Жорий йилнинг 14 сентябрь куни ижтимоий тармоқларда Тошкент шаҳрида фаолият юритувчи "Inbazar" савдо марказининг Сергели туманидаги филиалида ишловчи ходими бошқа бир ходим томонидан "самасуд" қилингани тасвирланган видео тарқалди. Бу эса мижозлардан тортиб, жамоатчилик фаолларигача бўлган қатламнинг эътирозларига сабаб бўлди. Ҳатто #Inbazar_boycott ҳештеги остида уни ёпилишини талаб қилишди. Аммо шундай вазиятда ҳам аввал савдо марказининг ёнини олиб, сўнг эса тарафкашлик қилганига пушаймон бўлганлар ҳам йўқ эмас. Бугун PARADIGMA.UZ юқоридаги машмашанинг келиб чиқиши, нега бу даражада оммалашганининг сабабини эътиборингизга ҳавола этади.
