Май 2024

2023 йилнинг 1 октябридан бугунги кунга қадар АҚШнинг жанубий чегарасини 57 минг 200 нафар ноқонуний мигрант кесиб ўтган. Уларнинг 2900 нафарини Ўзбекистон фуқаролари ташкил этади.

Бугун, 27- май душанба куни, таълим муассасаларида белгиланган бир қанча имтиҳонлар бошқа санага қолдирилганлиги аниқланди. Буни «Paradigma.uz» нинг бир қанча манбаалари тасдиқламоқда.

Афғонистоннинг ғарбий Ғор вилоятида 24 соат ичида кучли ёмғир ва тошқинлар оқибатида камида 50 киши ҳалок бўлди, яна 10 киши бедарак йўқолди. Бу ҳақда шанба куни маҳаллий амалдор маълум қилди.

Чоршанба куни Киевда қувват тақчиллиги сабабли фавқулодда электр қуввати узилиб қолди, деб хабар берди Украинанинг йирик хусусий энергетика компанияси ДТЕК ўзининг Telegram каналида.

Исроилнинг Ғазо сектори марказидаги Дайр ал-Бала шаҳрига уюштирган ҳаво ҳужуми оқибатида икки шифокор ҳалок бўлди, деб хабар берди Фаластин расмий ахборот агентлиги WAFA.

Фаластин соғлиқни сақлаш идоралари маълумотларига кўра, 7-октябрдан бери Ғазода 34 700 нафардан ошиқ фаластинлик ҳалок бўлган. Уларнинг аксарияти аёллар ва болалардир. 78 000 нафар фуқаро яраланган.

Бугун Ўзбекистон тарихидаги энг йирик техноген фожиалардан бири ҳисобланган «Сардоба» сув омбори тўғони ўпирилган кун. 2020 йил 1 май куни соат 05:55 да Сирдарё вилоятида жойлашган «Сардоба» сув омбори дамбасининг деворида сув сизиб чиқиб яқин ҳудудлардаги қишлоқ ва маҳаллаларга зарар етказган эди.  Сув омборига яқин ҳудуддаги аҳоли эвакуация қилинган эди. Ҳукумат томонидан эса фожиа сабабларини ўрганиш мақсадида зудлик билан комиссияси тузилган, Президент Шавкат Мирзиёев  ҳодиса жойига борганди.