Ўзбекистон

Ислом Каримов номидаги Тошкент халқаро аэропортида олиб борилган таъмирлаш ва қўшимча қулайликлар яратиш ишларига қарамай, йўловчилар учун ўриндиқлар етишмаслиги бўйича жамоатчилик эътирозлари кузатилмоқда.

Беморларга зарур ихтисослаштирилган тиббий ёрдамни ўз вақтида кўрсатиш мақсадида улар бир тиббиёт муассасасидан бошқасига ўтказилади. Кўчириш жараёнида беморлар зарур тиббий ёрдамни тақдим эта оладиган муассасани ўзлари танлаши мумкин. Ўтказиш шифокор томонидан берилган тиббий кўрсатма асосида амалга оширилади. Беморларни кўчириш жараёни бепул амалга оширилади.

Аниқланган ҳолатлар юзасидан ҳудудий бошқарманинг Махсус комиссияси томонидан “RAHNAMO SERVIS”, “ZERO-WASTE”, “ZANGIOTA OBODON”, “ANGREN BUNYOD FAYZ” ва “OHANGARON SANITARIYA TOZALASH” МЧЖларига нисбатан «Истеъмолчилар ҳуқуқларини ҳимоя қилиш тўғрисида»ги Қонун талаблари бузилгани учун иш қўзғатилди.

Рейтинг тўрт асосий йўналишдан иборат: иссиқхона газлари эмиссияси, қайта тикланувчи энергия улуши, энергия самарадорлиги ва иқлим сиёсати. Рейтингда 1–3-ўринлар талаблар тўлиқ бажарилмагани сабабли бўш қолдирилган. 4-ўринни Дания, 5-ўринни Буюк Британия эгаллаган. Кейингилари орасида Марокаш, Чили, Люксембург, Литва ва 10-ўринда Нидерландия қайд этилган.

Ўзбекистон Омбудсмани 2025 йилнинг 9 ойида фуқаролар фойдасига 9,3 млрд сўмдан ортиқ маблағ ундирилганини маълум қилди. Шундан 2,16 млрд сўм меҳнат муносабатлари ва иш ҳақи бўйича тўланди. Шунингдек, 25 нафар фуқарони ишга тиклаш ва ишга жойлаштириш бўйича мурожаатлар ижобий ҳал этилди.

Пойтахтда атмосфера ҳавосини ифлослантирувчи объектлар фаолиятини чеклаш бўйича Махсус комиссия томонидан ташкил этилган ишчи гуруҳлар режали рейдларини давом эттирмоқда. Маълумотга кўра, 24 ноябр соат 18:00 да Тошкент ҳавосидаги PM2.5 заррачаларининг ўртача суткалик миқдори 171 мкг/м³ бўлган бўлса, 28 ноябрга келиб бу кўрсаткич 97 мкг/м³ гача пасайган

2026 йил 1 январдан бошлаб давлат бошқарувини рақамли трансформация қилиш ва самарадорлигини оширишга қаратилган “Бюрократияни бартараф этиш – 2030” дастури ишга туширилади. Унинг асосий вазифаларидан бири давлат хизматларидан тез ва қулай фойдаланиш орқали фуқароларнинг ҳаёт сифатини яхшилашдир. 

2026 йил 1 январдан бошлаб мамлакат бўйлаб юзни аниқлаш функциясига эга видеокамераларни ўрнатиш бўйича кенг кўламли дастур амалга оширилади. Энди кўплаб объектларда турли назорат постлари ўрнига ташриф буюрувчиларни автоматик идентификация қиладиган камера тизимлари ишлайди ва бу назорат даражасининг ошишига хизмат қилади.

Фарғона вилояти Фурқат туманидаги 29-мактаб директори Гулирано Қосимова туман ИИБ ходимлари томонидан калтакланган ва таҳқирланган. Аёлнинг айтишича, суд жараёни бир томонлама ва ёпиқ ҳолда ўтган.

Тошкент — кўп йиллар давомида йиғилиб келган, даволанмаган, сурункали касалликларга чалинган “бемор”. Ўнлаб  йиллар давомида ҳеч ким томонидан парваришланмаган бир бечора. Дарахтларни суғориш ёки ҳавога сув пуркаш — иллюзия яратишдан бошқасига ярамайди. Ягона оқилона таклиф — ариқлар тармоғини қайтариш “бемор”ни соғайтириш учун ташланган самарали қадам. Бироқ у ҳам камлик қилади. «Тошкент ирригация ва қишлоқ хўжалигини механизациялаш муҳандислари институти» Миллий тадқиқот университети собиқ доценти Хуршида Якубова Тошкент ҳавосининг ўта ифлосланишига қарши кўрилаётган чоралар нима учун самара бермаслигини ҳамда аслида нима қилиш кераклигини баён этади.

26 ноябрь куни тахминан соат 19:00 да Тошкент шаҳар ИИББ томонидан ўтказилган махсус рейд чоғида ижтимоий тармоқларда Real Sanjik номи билан танилган блогер Санжар Каримов қўлга олинди. Бу ҳақда «Эзгулик» инсон ҳуқуқлари жамияти раиси Абдураҳмон Ташанов ўз саҳифасида маълум қилди.

«Ўзгидромет» прогнозига кўра, ҳавода чанг ва майда зарраларнинг туриб қолишига сабаб бўлган атмосфера инверсияси ҳодисаси яна 10 кунгача сақланиб қолади.