"Дунё садолари" фестивалига 6 млрд сарфлангани очиқланди

Маълум бўлишича, Хонобод шаҳрига маҳаллий ва хорижий ташриф буюрувчилар сони 2,5 баробарга (2 млн нафар) ортган. Тадбиркорлик субъектларида тушум кескин ортган. Жумладан, 2024 йилнинг 7 ойи давомида кирим 48 миллиард сўмни ташкил қилиб, (шундан 29-31 июль кунлари 8,5 миллиард сўмга етган) бу эса  ўтган йилнинг мос даврига нисбатан эса 2 баробарга ортган.

"Бу кўрсаткичлар Хонобод шаҳридаги тадбиркорлик субъектлари ва аҳолининг даромади ошганлигини кўрсатмоқда. Савдо ва хизмат кўрсатиш фаолияти билан шуғулланувчи тадбиркорлар сони ўтган 2023 йилда 48 тани ташкил этган. 

Бу йил эса халқаро тадбир давомида доимий фаолият олиб борувчи тадбиркорлик фаолиятлари сони 230 тага ошган ҳамда 5 баробарга кўпайган. Меҳмонларга хизмат кўрсатувчи дала ҳовли ва уй меҳмонхоналаридаги ётоқ жойлар сони 1900 тани ташкил қилган. Ушбу рақам жорий йилда 6 мингдан ортган", 

дейилади хабарда. 

Шунингдек, аҳоли даромадларини ошириш, иш билан таъминлаш ва кам даромадли фуқароларнинг даромадини оширишда “Сайхунобод”, “Уйчи” тажрибаси асосида 600 дан ортиқ хонадонларда уй-меҳмонхоналар ташкил этилган.