updated: 22.03.2026, 19:01

Бузилаётган турар ва нотураржой объектининг бозор қиймати тўлиқ қоплаб берилади

Ўзбекистон ҳудудида реновация асосида бузилаётган турар ва нотураржой объектининг бозор қиймати тўлиқ қоплаб берилади. Бу ҳақда Адлия вазирлигининг "Ҳуқуқий ахборот" Telegram-каналида маълум қилинди.

Сиёсат

24.02.2025, 11:29

Lotinchada In English

Улашиш:

Buzilayotgan turar va noturarjoy obʼektining bozor qiymati toʻliq qoplab beriladi

Унга кўра, 2025 йил 1 майдан бошлаб қурилишни бошлашдан фойдаланишга рухсатнома беришга қадар бўлган жараёнлар тўлиқ онлайн режимида "Шаффоф қурилиш" тизимида амалга оширилади.

Шунингдек, қурилиши тугалланган кўп квартирали уй-жойдан фойдаланишга рухсатнома беришда фақат Қурилиш ва уй-жой коммунал хўжалиги соҳасида назорат қилиш инспекцияси, ҳамда давлат ёнғин назорати органларидан хулоса олинади.

Инспекцияда рўйхатдан ўтган ва у томонидан назорат қилинадиган кўп квартирали уй-жойларни фойдаланишга рухсатнома беришдан олдин инструментал-техник текширувдан ўтказиш амалиёти бекор қилинади.

2025 йил 1 мартдан реновация асосида кўп квартирали уй-жойларни барпо этишда реновация лойиҳасини бошлашга барча мулкдорлар билан нотариал тасдиқланган келишув битими имзоланганидан сўнг рухсат берилади.

Мулкдорларга, уларнинг хоҳишига кўра, қуйидаги компенсация турларидан бири тақдим этилади:

— Бузилаётган тураржой объектлари ўрнига уларнинг майдонидан кам бўлмаган реновация дастурига мувофиқ янги қуриладиган тураржойлардан яшаш учун тайёр ҳолдаги квартираларни мулк ҳуқуқи асосида бериш ҳамда қурилиш даврида кўчиш, шу жумладан, бошқа тураржой объектини вақтинчалик ижарага олиш билан боғлиқ харажатларни тўлиқ қоплаш;

— Бузилаётган турар ва нотурар жой объектининг бозор қийматини тўлиқ қоплаб бериш;

— Реновация лойиҳаси ташаббускори билан келишилган ҳолда бошқа турдаги компенсацияни тақдим этиш.

Сиёсат

24.02.2025, 11:29

Улашиш:

#реноватсия

машҳур янгиликлар