15 июлдан “Ташаббусли бюджет”нинг навбатдаги мавсуми бошланади

Бу ҳақда расмий маълум қилинди.

Жараён қуйидаги босқичларда амалга оширилади:

• 15 июль – 3 август — лойиҳаларни киритиш;
• 4–18 август — лойиҳаларни саралаш;
• 19–21 август — тарғибот босқичи;
• 22–31 август — овоз бериш босқичи;
• 1–10 сентябрь — қўшимча ғолиб лойиҳаларни эълон қилиш.

Маълум қилинишича, анъанавий овоз бериш якунларига кўра ғолиб деб топилган лойиҳалар 1 сентябрь — Ўзбекистон Республикаси Мустақиллигининг 35 йиллиги байрами куни эълон қилинади.

“Ташаббусли бюджет” орқали фуқаролар ўз ҳудудларида амалга оширилиши лозим бўлган лойиҳаларни таклиф қилиш ва улар учун овоз бериш имкониятига эга бўлади.