Иш ҳақи, пенсиялар ва нафақалар инфлациядан юқори даража оширилади

Унга кўра, 2028 йилгача бюджет ташкилотлари ходимларининг иш ҳақи, пенсия ва нафақалар миқдори йиллик инфлация даражасида юқори даражада ошириш режалаштирмоқда. Бу чора-тадбирлар “аҳолининг турмуш даражасини юксалтириш, фуқароларнинг реал даромадлари ўсишини таъминлаш ва уларнинг ижтимоий ҳимоясини кучайтириш” мақсадига қаратилган.

Шунингдек, Иқтисодиёт ва молия вазирлиги Пенсия жамғармаси даромадлари барқарорлигини таъминлаш учун ижтимоий солиқ бўйича имтиёзлар беришни кучайтирмоқчи. Бунда 2028 йилгача хизматлар соҳаси учун ижтимоий солиқнинг пасайтирилган ставкаси 1% миқдорида амал қилади. Имтиёз фақат 30 ёшгача бўлган ходимларга, агар уларнинг иш ҳақи 3 млн сўмдан ошса, татбиқ этилади.

2025 йилда бюджетдан Пенсия жамғармасига трансфертлар ҳажми 20 трлн сўмдан ошиши кутилмоқда. 2028 йилга бориб эса бу миқдор 26 трлнга етади. Шундай қилиб, 2023 йилга нисбатан трансферлар деярли икки баравар кўпаяди. Инфографикага кўра, 2022 йилдан бошлаб бюджет ходимларининг иш ҳақи, пенсия ва нафақалар инфляциядан юқори даражада индексация қилинган. 1 июлдан бошлаб ижтимоий тўловлар миқдори ўртача 10% га ошди, инфляция эса 2025 йил якуни бўйича 8% даражасида прогноз қилинмоқда.

Бюджет ходимларининг иш ҳақини ҳар 1 фоиз пунктга ошириш бюджетга 1,67 трлн сўмга тушади. Пенсияларнинг худди шундай ўсиши — 861 млрд сўм. Ижтимоий нафақа олувчи оилалар сони 10% га ошса, бюджет харажатлари қарийб 1,6 трлн сўмга кўпаяди.