Мўйноқда ўта юқори босимли ноёб газ кони топилди

Маълумотларга кўра, бурғилаш ишлари давомида ғайриоддий юқори босим қайд этилган. Атиги 5 метр қатлам очилганига қарамасдан, битта қудуқдан 100 миллион куб метр газ олинган.

Биринчи разведка қудуғи 26 июлда 4 707 метр чуқурликда бурғиланди. Ҳозирда яна тўртта қўшимча қудуқ қазилмоқда.

Сўнгги икки ой ичида қазиб олинган газ ҳажми 100 миллион куб метрни ташкил этган. Харажатлар 45 миллиард сўм, тушум эса 60 миллиард сўмга тенг бўлган.

Сидиқов таъкидлашича, конни ўзлаштириш ишлари хорижий ҳамкорларсиз, маҳаллий мутахассислар ва ресурслар асосида амалга оширилмоқда.