Veolia иссиқлиқ тарифлари нега ошаётганини тушунтириб берди

Октябрдан иссиқлик таърифлари 15% ошади, лекин бу ҳали таннархдан анча паст. Таннарх тўлиқ қопланиши учун нархлар 5,5 баравар оширилиши керак.

Veolia Energy Tashkent 2025 йил октябрь ойидан бошлаб иссиқлик таъминоти тарифлари оширилишини эълон қилди.

Компания хабарига кўра, бу энергия ресурслари нархи ошиши билан боғлиқ: май ойидан бери газ нархи 20 фоизга, электр 11 фоизга, сотиб олинадиган иссиқлик эса 13 фоизга ошди.

Шу сабабли, аҳоли учун иссиқлик тарифлари 15 фоизга, бюджет ташкилотлари учун 18,8 фоизга, юридик шахслар учун эса 40 фоизга оширилди.

Бугунги кунда иссиқлик таъминоти шаҳар бюджетининг энг кўп субсидияланадиган йўналишларидан бири бўлиб қолмоқда. Фуқаролар иссиқлик харажатларининг фақат 19,7 фоизини тўламоқда, қолгани эса давлат ҳисобидан молиялаштирилмоқда. Аммо ҳукумат стратегиясида 2030 йилгача субсидиялардан тўлиқ воз кечиш кўзда тутилган.