updated: 22.03.2026, 14:03

Боғча болаларига заҳарли илонлар билан томоша кўрсатилди

Ижтимоий тармоқларда Тошкент вилоятида болаларга заҳарли илонлар билан томоша кўрсатилганлиги акс этган видео тарқалиб, кўплаб муҳокамаларга сабаб бўлди. Мазкур ҳолатга вилоят Мактабгача ва мактаб таълими бошқармаси расмий муносабат билдирди.

Ўзбекистон

21.01.2025, 10:18

Lotinchada

Улашиш:

Bogʻcha bolalariga zaharli ilonlar bilan tomosha koʻrsatildi

Қайд этилишича, воқеа жорий йилнинг 16 январь куни Тошкент вилояти Пискент туманидаги 7-сонли давлат мактабгача таълим муассасасида кузатилган.

Тармоқларда тарқалган видеода тарбияланувчиларга ноёб, "Қизил китоб"га киритилган Ўрта Осиё кобралари билан томоша уюштирилганлиги ва бунда боғча маъмурияти томонидан болаларнинг ҳаёти ва соғлиғи учун хавфсизлик чоралари таъминланмаганлиги акс этган.

Маълум қилинишича, томошалар Олмалиқ шаҳар "Кумуш диёр" хусусий корхонаси тасарруфидаги "Тошкент" ҳаваскорлик цирк жамоаси ходими Ҳ.А. томонидан уюштирилган.

Мазкур шахс ўқув йили аввалида туман мактабгача ва мактаб таълими бўлимига цирк томошаларини намойиш қилиш бўйича хат ва дастур билан мурожаат қилган. Масъуллар томонидан ушбу томошаларга рухсат берилган. Намойишлар дастурида ҳайвонлар билан саҳна кўринишлари кўрсатилмаган.

16 январь куни эса Ҳ.А. тумандаги 7-сонли давлат мактабгача таълим ташкилотида болаларнинг ҳаёти ва соғлиги учун хавфли бўлган жонзотлар билан ўйин кўрсатган.

"Тошкент вилояти Mактабгача ва мактаб таълими бошқармаси томонидан ишчи гуруҳ тузилиб, ўрганиш ишлари олиб борилди. Ишчи гуруҳ хулосаси билан ҳолатга бевосита масъул бўлган, эътиборсизлик қилган шахсларга нисбатан чора кўрилди", дейилади бошқарма муносабатида.

Ўзбекистон

21.01.2025, 10:18

Улашиш:

#илон #Тарбияланувчи #Қизил китоб

мавзуга оид янгиликлар