updated: 19.03.2026, 22:22

Эртага ҳарорат пасайиб, айрим ҳудудларда туманли ҳаво бўлади

Эртага, 15 октябрь куни Ўзбекистоннинг айрим ҳудудларига туман тушиб, ёмғир ёғади, айрим ҳудудларда эса ҳаво ҳарорати 0 даражага тушиб кетади. Бу ҳақда "Ўзгидромет" ахборот хизмати маълум қилди.

Ўзбекистон

14.10.2024, 12:06

Lotinchada

Улашиш:

Ertaga harorat pasayib, ayrim hududlarda tumanli havo boʻladi

Тошкент шаҳрида ҳаво бироз булутли бўлади, вақти-вақти билан ёмғир ёғади. Шамол ғарбдан 5-10 м/с тезликда эсади. Ҳарорат кечаси 8-10 даража, кундузи 13-15 даража бўлади.

Қорақалпоғистон Республикаси ва Хоразм вилоятида ҳаво бироз булутли бўлади, ёғингарчилик кутилмайди. Баъзи жойларга туман тушиши мумкин. Шамол шарқдан 7-12 м/с тезликда эсади. Ҳарорат кечаси 2 даража совуқ – 3 даража илиқ, кундузи 8-13 даража бўлади.

Бухоро ҳамда Навоий вилоятларида ҳаво бироз булутли бўлади, кечаси ва эрталаб баъзи жойларда ёмғир ёғиши, туман тушиши мумкин. Кундузи ёғингарчилик кутилмайди. Ғарбий шамол йўналишини ўзгартириб, шарқдан 7-12 м/с тезликда эсади. Ҳарорат кечаси 0-5 даража илиқ, баъзи жойларда 0-2 даража совуққача, кундузи 11-16 даража бўлади.

Тошкент, Сирдарё, Жиззах ҳамда Сурхондарё вилоятларида ҳаво бироз булутли бўлади, баъзи жойларда ёмғир ёғади. Шамол ғарбдан 7-12 м/с тезликда эсади. Ҳарорат кечаси 6-11 даража, кундузи 13-18 даража бўлади.

Қашқадарё вилоятида ҳаво бироз булутли бўлади, баъзи жойларда ёмғир ёғади. Шамол ғарбдан 7-12 м/с тезликда эсади. Ҳарорат кечаси 8-13 даража, кундузи 17-22 даража бўлади.

Сурхондарё вилоятида ҳаво бироз булутли бўлади, айрим жойларда ёмғир ёғиши мумкин. Шамол ғарбдан 7-12 м/с тезликда эсади. Ҳарорат кечаси 10-15 даража, кундузи 20-25 даража бўлади.

Андижон, Наманган ҳамда Фарғона вилоятларида ҳаво бироз булутли бўлади, баъзи жойларда ёмғир ёғади. Шамол ғарбдан 5-10 м/с тезликда эсади. Ҳарорат кечаси 8-13 даража, кундузи 12-17 даража бўлади.

Тоғ олди ва тоғли ҳудудларда ҳаво бироз булутли бўлади, баъзи жойларда ёмғир ёғади, айрим жойларда кучли ёмғир ёғиши мумкин, баланд тоғли ҳудудларда ёмғир қорга айланади. Баъзи жойларга туман тушиши мумкин. Шамол ғарбдан 7-12 м/с тезликда эсади, баъзи жойларда 13-18 м/с гача кучайиши мумкин. Ҳарорат кечаси ва кундузи 2-7 даража илиқ бўлади.

Бундан ташқари, 14-15 октябрда Республика бўйича баъзи жойларда ёмғир ёғади, тоғ олди ва тоғли ҳудудларда баъзи жойларда кучли ёмғир ёғиши мумкин, баланд тоғларда ёмғир қорга айланади. 14-17 октябрь Республика ҳудудига совуқ ва нам ҳаво массалари кириб келиши давом этади ва бу кунларда ҳаво ҳарорати кечалари 3-8 даража илиққача, Республика шимолида баъзи жойларда 0-2 даража совуққача, кундуз кунлари 13-18 даражагача аста-секин пасаяди.