Россияда 417 нафар мигрант ушланди. Улар орасида ўзбекистонликлар ҳам бор

Қайд этилишича, рейд давомида 520 нафар киши полиция бўлимига олиб кетилган. Улардан 417 нафари чет эл фуқароси бўлган. Ушланганлар орасида Ўзбекистон, Озарбайжон, Тожикистон ва Қирғизистон фуқаролари бўлган.

"Ҳозирда юқоридаги шахсларга нисбатан маъмурий жавобгарлик бўйича қамоққа олиш масалалари кўриб чиқилмоқда. Шулардан етти нафари давлатдан чиқариб юборилиши мумкин", дейилади хабарда.

Унга кўра, миграция соҳасида 24 та маъмурий ҳуқуқбузарлик аниқланди. 50 нафар фуқарога ноқонуний миграцияни ташкил этиш айблови юклатилган. 

"Рейд давомида Россия фуқаролигини олган, лекин вақтида ҳарбий рўйхатга турмаган 92 нафар фуқаро аниқланиб, уларга ҳарбий хизматга чақирув варақалари берилди", дейилади очиқланган маълумотларда.