4 та туманга янги ҳоким келди

Мингбулоқ тумани

Аҳрор Мансуров Наманган вилояти Мингбулоқ туманига ҳоким этиб тайинланди. У 2014-2016 йилларда Наманган вилояти адлия бошқармасида, 2016–2019 йилларда Наманган вилояти ҳокимлигининг Ахборот-таҳлил гуруҳи бош мутахассиси, гуруҳ раҳбари вазифаларида ишлаган.

2019–2021 йилларда эса Президент администрацияси етакчи инспектори лавозимида фаолият юритган. Кейинчалик эса Наманган вилояти ҳокими ўринбосари, шунингдек, Тўрақўрғон тумани ҳокими бўлган.

Фурқат тумани 

Элёр Асронкулов Фарғона вилояти Фурқат туманига ҳоким этиб тайинланди. Бундан олдин у Ижтимоий ҳимоя миллий агентлигининг Фарғона вилояти бошқармаси бошлиғи вазифасида фаолият олиб борган. 

Тошкент тумани 

Сардор Эргашов Тошкент вилоятининг Тошкент туманига ҳоким этиб тайинланди. 

Ушбу лавозимдан олдин Эргашов Тошкент тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари – туман иқтисодий тараққиёт ва камбағалликни қисқартириш бўлими бошлиғи, Ижтимоий ҳимоя миллий агентлигининг Тошкент вилояти бошқармаси бошлиғи каби вазифаларда ишлаган. 

Тахиатош туманига 

Камилжан Айтбаев  Қорақалпоғистон Республикасининг Тахиатош туманига ҳоким этиб тайинланди. 

Бундан олдин, у Амударё тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари — иқтисодий тараққиёт ва камбағалликни қисқартириш бўлими бошлиғи лавозимида фаолият олиб борган.