Кимлар фоизсиз таълим кредити олиши мумкин? Имтиёзли тоифалар маълум қилинди

Бу ҳақда Иқтисодиёт ва молия вазирлиги ҳузуридаги Таълим кредитини молиялаштириш жамғармаси маълум қилди.

Маълум қилинишича, ҳозирги кунда мамлакатдаги 12 та тижорат банки орқали таълим кредитлари ажратилмоқда.

Кимларга 0 фоизли таълим кредити берилади?

Банклар таълим кредитларини Марказий банкнинг асосий ставкаси бўйича ажратади. Бироқ қуйидаги тоифалар учун фоиз тўловлари Жамғарма томонидан тўлиқ қопланади:

Хотин-қизлар

Республикадаги давлат, хусусий ва хорижий олий таълим муассасалари ҳамда техникумларнинг кундузги таълим шаклида таҳсил олаётган хотин-қизлар.

Қорақалпоғистонлик ёшлар

Қорақалпоғистонда мактаб ёки коллежни тамомлаб, вилоятлардаги давлат ОТМларига қўшимча квота асосида (контракт) ўқишга қабул қилинган талабалар.

Эҳтиёжманд оилалар фарзандлари

«Камбағал оилалар реестри»га киритилган ҳамда ОТМда ўзлаштириш кўрсаткичи 70 фоиздан юқори (GPA 3,5 ва ундан юқори) бўлган талабалар.

Ҳарбий хизматчилар

Муддатли ҳарбий хизматни ўтаётган вақтда олий таълим муассасасига контракт асосида ўқишга қабул қилинган ҳарбий хизматчилар.

Маълумотга кўра, ушбу тоифалар учун кредитнинг фоиз қисми давлат томонидан қоплаб берилади ва улар таълим кредитидан 0 фоиз билан фойдаланиши мумкин.