Ўқитувчилар нега вазирлик тизимидаги ташкилотни судга берди?

Бугун, 26 август куни Фуқаролик ишлари бўйича Тошкент Шайхонтоҳур туманлараро судида жараённинг иккинчи қисми бўлиб ўтди. Суд журналистлар учун очиқ ўтди, лекин жавобгар томонинг талабига биноан суд жараёнидан фото, видео ва овоз ёзиб олишга рухсат берилмади.

Судни ёритиш масаласи ва холисликни таъминлаш учун PARADIGMA.UZ иккинчи жавобгар томонга ҳам юзланди. Аммо улар жараён ҳақида гапиришни хоҳлашмади.

Адвокат Муҳаммад Амин Каримжоновнинг айтишича, ўқитувчилар Педагогик маҳорат ва халқаро баҳолаш илмий-амалий марказидан  аттестация жараённи қайта ўтказиш, етказилган маънавий ҳамда моддий зарарни қоплаш ва бошқа даъволар билан судга ариза киритган.

Адвокатга кўра, ўқитувчилар марказни судга берганидан сўнг улар турли кўринишдаги босимларга дуч келишган. Ҳатто бир нафар ўқитувчи ўз аризасини қайтариб олган.