Ўзбекистонда университетга киришда B1 даражали сертификат ҳам имтиёз беради

Бу ҳақда Адлия вазирлиги маълум қилди.

Қарорга кўра, фанлар мажмуасида чет тили биринчи фан сифатида белгиланган йўналишларда қабул хорижий тилни билиш бўйича камида B1 даражали сертификат асосида амалга оширилади.

Қабул жараёнида:

• B1 даражали сертификатга эга абитуриентларга мазкур фан бўйича максимал баллнинг 75 фоизи берилади;
• B2 ва ундан юқори даражали сертификатга эга абитуриентларга эса максимал балл берилади.

Аввал бу йўналишларга қабул қилиш учун камида B2 даражали сертификат талаб этилар эди.

Маълумот учун, Ўзбекистонда айрим тоифадаги талабаларнинг ётоқхона харажатларини давлат томонидан қоплаб бериш, шунингдек, мусиқа ва жисмоний тарбия ўқитувчиларига сертификат бериш тартиби ҳам жорий этилган.