1 ноябрдан Ўзбекистонда қандай ўзгаришлар бўлади?

Ишсизлик нафақаси тартиби ўзгаради

– Энди ишсизлик нафақаси фақат меҳнат шартномаси бекор қилинган шахсларга тўланади.
– Сўнгги 5 йил ичида камида 18 ой расмий ишлаган фуқаролар, шартнома бекор қилинганидан кейин 6 ой ичида мурожаат қилсалар, нафақа олиш ҳуқуқига эга бўлади.
– Нафақа миқдори:

• 1-ойда — ўртача иш ҳақининг 75 фоизи,
• 2-3-ойларда — 50 фоизи миқдорида тўланади.

 Якка тадбиркорлар ва ўзини ўзи банд қилганлар учун махсус ҳуқуқий режим

– Бу тизим 2030 йил 31 декабргача амал қилади.
– “Электрон ҳамён”, QR-код ва “tap to pay” технологиялари жорий этилади.
– Барча ҳисоб-китоблар, солиқ ва банк хизматлари рақамли платформа орқали амалга оширилади.

 Давлат аппаратида оптималлаштириш амалга оширилади

– 2141 та штат бирлиги қисқартирилади, шундан:

• 1863 та — бюджет ташкилотларида,

• 278 та — бюджетдан ташқари жамғармаларда.

  – Бу орқали бюджет харажатлари қисқартирилади, давлат бошқарувида самарадорлик оширилади.

 Рақамли давлат хизматлари кенгаяди

– Фуқаролардан энди қағоз ҳужжат талаб қилинмайди.
– Маълумотлар давлат маълумотлар базалари орқали автоматик текширилади.
– Банк ва тўлов тизимлари орқали хизмат кўрсатиш имкониятлари кенгайди.

 Қишлоқ хўжалиги ва экспорт соҳасида янгиликлар

– Қишлоқ хўжалиги маҳсулотларини жисмоний шахслардан нақд пулга сотиб олишда электрон далолатнома расмийлаштирилади.
– Автомобилга газ баллон ўрнатилганда транспорт воситасини қайта рўйхатдан ўтказиш шарт эмас.