Боғот туманидаги мактаб олдида хавфли чорраҳа

Мурожаат муаллифларининг билдиришича, ушбу мактабда таҳсил олаётган ўқувчиларнинг ота-оналари ҳамда ҳайдовчилар мазкур чорраҳанинг тартибга солинмагани сабабли кундалик ҳаракат жараёнида хавфли вазиятлар тез-тез юзага келаётганидан хавотир билдирмоқда. Айниқса, мактабга келиб-кетаётган болалар ҳаёти учун хавф юқори экани таъкидланган.

Шу муносабат билан, мурожаатда ушбу чорраҳага светофор ўрнатиш ҳамда масъул идоралар томонидан назоратни кучайтириш бўйича амалий чоралар кўриш сўралган. Фуқароларнинг фикрича, бундай тадбирлар йўл-транспорт ҳодисаларининг олдини олиш ва ўқувчилар хавфсизлигини таъминлашга хизмат қилади.

Маълумот учун, мурожаатда кўрсатилган манзил: Боғот тумани, Феруз кўчаси, Жиноят ишлари бўйича суд жойлашган чорраҳа.

Paradigma таҳририяти ушбу масала мутасадди ташкилотлар томонидан ўрганилиб, тегишли чоралар кўрилишига умид билдиради.