Исмоил Жўрабеков 94 ёшида вафот этди

У 1931 йил 12 сентябрда Самарқанд вилоятида туғилган. Фаолияти асосан сув ва қишлоқ хўжалиги соҳалари билан боғлиқ бўлиб, «Самарқандсувқурилиш» трести бошқарувчиси, Ўзбекистон мелиорация ва сув хўжалиги вазирининг биринчи ўринбосари, кейинчалик вазир лавозимларида ишлаган.

Мустақиллик йилларида қишлоқ ва сув хўжалиги вазири, Бош вазирнинг биринчи ўринбосари, Президентнинг қишлоқ хўжалиги масалалари бўйича давлат маслаҳатчиси сифатида фаолият юритган. 2021 йилда сув хўжалиги вазири маслаҳатчиси сифатида давлат хизматига қайтган.

Жўрабеков «Ўзбекистон Республикасида хизмат кўрсатган ирригатор», «Ўзбекистон Республикасида хизмат кўрсатган қурувчи» унвонлари, «Меҳнат шуҳрати», «Эл-юрт ҳурмати», «Буюк хизматлари учун», «Дўстлик», «Фидокорона хизматлари учун» орденлари ва бир қатор эсдалик нишонлари билан тақдирланган.