Маст ҳолда машина бошқарганлик учун "15 сутка"

Бу ҳақда Йўл ҳаракати хавфсизлиги хизмати бошлиғи Шерзод Иброҳимов маълум қилди.

Унга кўра, қуйидаги чораларни жорий этиш таклиф қилинган:

• 5 турдаги қўпол йўл қоидабузарлиги учун транспорт воситасини вақтинча олиб қўйиш;
• айрим қоидабузарликлар учун янги маъмурий жавобгарлик чораларини белгилаш;
• транспортни бошқариш ҳуқуқига эга бўлмаган ёки бу ҳуқуқдан маҳрум қилинган шахс томонидан содир этилган йўл безорилиги учун автомобилни мусодара қилиш ёки вақтинча олиб қўйиш;
• транспорт воситасини маст ҳолда бошқарганлик учун 15 суткагача маъмурий қамоқ жазосини жорий этиш;
• қўпол қоидабузарлар учун жаримани чегирма билан тўлаш ҳуқуқини бир йилга чеклаш;
• вояга етмаган болаларга транспорт бошқаришга рухсат бериш, шунингдек, бундай ҳолат тан жароҳати ёки ўлимга сабаб бўлган тақдирда жиноий жавобгарлик белгилаш.

Эътиборли жиҳати, ҳозирча булар амалга киритилган нормалар эмас, балки амалдаги қонунчиликка ўзгартиш киритиш бўйича таклифлар ҳисобланади. Уларнинг кучга кириши учун тегишли қонун лойиҳаси қабул қилиниши ва белгиланган тартибда тасдиқланиши талаб этилади.