Муддатли ҳарбий хизматга чақирилган ёшлар учун янги имтиёзлар жорий этилади

Янги тартибга кўра, аскарлар хизмат даврида олий таълим муассасаларига ўқишга кириб, масофавий шаклда таҳсил олиши мумкин бўлади. Шунингдек, ҳарбий қисмларда махсус тайёрлов курслари ташкил этилади.

Молиявий қўллаб-қувватлаш

Шартнома асосида ўқишга қабул қилинган аскарларга фоизсиз таълим кредити берилади. Бу эса ёшларнинг таълим олиш имкониятларини кенгайтиради.

Қўшимча имтиёзлар

Олийгоҳга қабул қилинган аскарлар ўқишни муваффақиятли тугатгач, захирадаги лейтенант ҳарбий унвонига эга бўлади.

Намунали хизмат кўрсатган ва турли танловларда ғолиб бўлган ёшлар эса тест синовларисиз олий таълим муассасаларига қабул қилинади.

Касб ўрганиш имконияти

“Битта аскар – битта касб” тамойили асосида 3–6 ойлик касбий курслар ташкил этилади ва уларни тамомлаганларга сертификат берилади.

Хизматни тугатган ёшларнинг касб ўрганиш билан боғлиқ харажатлари давлат томонидан қопланади. Шунингдек, давлат ишига қабул қилишда уларга қўшимча 10 фоизлик устунлик берилади.

Қўшимча рағбатлантириш

Ҳарбий хизматчилар ўртасида “Маънавият қалқони” китобхонлик танлови ўтказилиб, ғолиблар электромобиль билан тақдирланади.