Трамп маслаҳатчилари Исроилдан бошпана сўрамоқчи

The New York Times нашрининг ёзишича, бу гап АҚШ президентининг юқори лавозимли ёрдамчилари ва сиёсий стратеглари иштирокидаги ёпиқ видеоконференцияда айтилган. Суҳбат оралиқ сайловларга олти кун қолганида бўлиб ўтган.

«Балки Исроилдан бошпана сўрашимиз керакдир», – деган Тони Фабрицио.

Трампнинг яна бир маслаҳатчиси, сиёсий стратег Жеймс Блэр эса:

  «Ҳеч бўлмаганда Биби ғалаба қозонди. У бизни ҳимоя қилади», дея кинояли жавоб қайтарган

У бу гапи билан Исроил бош вазири Биньямин Нетаньяхуни назарда тутган.

Нашр маълумотларига кўра, суҳбат иштирокчилари бу гапларни ҳазил тариқасида айтган. Уларнинг АҚШни тарк этиш ёки бошқа давлатдан сиёсий бошпана сўраш бўйича ҳақиқий режалари борлиги ҳақида маълумот берилмаган.