Ногиронликни белгилашда янги тартиб жорий этилди: вақт ҳам, маблағ ҳам тежалади

Илгари врачлик маслаҳат комиссияси бир бемор ҳужжатини кўриб чиқиш учун 40–45 минут сарфлаган бўлса, эндиликда автомат шаклланадиган маълумотлар сони 6 тадан 33 тагача оширилиб, жараён учун кетадиган вақт 2 соатдан 20–25 дақиқагача қисқарди.

Шунингдек, авваллари бемор касалликка бевосита алоқаси бўлмаган кўплаб текширувлардан ўтишига тўғри келарди. Масалан, оёқ ампутациясига дучор бўлган бемордан биохимик таҳлил, қон ва пешоб умумий текшируви, ЭКГ, рентген ҳамда терапевт, невролог, хирург ва травматолог хулосаси талаб этиларди. Бунинг ўзи беморга ўртача 400–500 минг сўм харажат тушарди.

Янги тартибга кўра, беморларни текшириш мезонлари ишлаб чиқилди ва энди улар фақат стандартда кўрсатилган текширувлардан бепул ўтади.