Ўқувчига уятли хабар ёзган мактаб директори қамалди

Жиноят ишлари бўйича Юқори Чирчиқ судида 24-умумтаълим мактаби директори, 38 ёшли Ж.И.га нисбатан қўзғатилган иш муҳокама қилинган.

Суд ҳужжатларига кўра, у Телеграм орқали мактаб ўқувчисига шаҳвоний мазмунда хабарлар юборган.

Судда айбланувчи бу хабарларни гўёки тарбиявий мақсадда ёзганини билдириб, қилмишидан пушаймон эканини айтган ва жазони енгиллаштиришни сўраган.

Суд қарори билан у Маъмурий жавобгарлик тўғрисидаги кодекснинг 41-1-моддаси 1-қисми (шаҳвоний шилқимлик) бўйича айбдор деб топилди.

Унга 5 сутка маъмурий қамоқ жазоси тайинланди.