Рамазонга совға: эҳтиёжмандларга 1 млн сўмгача ёрдам

Қарорга мувофиқ:

— Ижтимоий реестрнинг “давлат таъминотидаги оила” тоифасига киритилган оилалар, ўзгалар парваришига муҳтож ёлғиз яшовчи кексалар ва ногиронлиги бўлган шахслар, шунингдек, етим ва ота-она қарамоғидан маҳрум бўлган болалар яшаётган оилаларга 1 миллион сўм миқдорида бир марталик моддий ёрдам кўрсатилади.

— Ижтимоий реестрнинг “камбағал оила” тоифасидаги ҳамда “маҳалла еттилиги” томонидан шакллантирилган қўшимча рўйхатга киритилган эҳтиёжманд оилаларга 500 минг сўмдан бир марталик моддий ёрдам ажратилади.

— Шунингдек, Ижтимоий реестрдаги оилаларнинг 6 минг нафар бемор аъзосининг даволаниши ва жарроҳлик амалиётлари билан боғлиқ харажатлар давлат томонидан қоплаб берилади.

Мазкур чора-тадбирлар Рамазон ойида аҳолининг ижтимоий ҳимоясини кучайтиришга қаратилган.