Шаҳрихонда “жиҳод” ғоясини тарғиб қилган мактаб ўқувчилари фош этилди

Текширувларга кўра, у Instagram ва Telegram тармоқларида “Аҳли сунна эдитлар” номли гуруҳ тузиб, “Абу Бакр” тахаллуси остида фаолият юритган. Гуруҳга у билан бир мактабда ўқиган саккиз нафар тенгдошини ҳам қўшиб, улар билан “жиҳод” ва “шаҳидлик” ҳақидаги ғояларни муҳокама қилган.

Маълум бўлишича, гуруҳ аъзолари хориждаги ноқонуний қуролли тузилмаларга қўшилишни ҳам режалаштирган.

Ҳуқуқни муҳофаза қилувчи идоралар томонидан ўтказилган тезкор чоралар натижасида мазкур ноқонуний фаолиятга чек қўйилди, гуруҳ аъзоларининг чет элга чиқиб кетишининг олди олинди.

Ҳолат юзасидан Ўзбекистон Республикаси Жиноят кодексининг 244¹-моддаси учинчи қисми “г” банди ва 244²-моддаси иккинчи қисми асосида жиноят иши қўзғатилди. Тергов ҳаракатлари давом этмоқда.

Тергов жараёнида вояга етмаган шахс ўз қилмишидан чин дилдан пушаймонлигини билдириб, бу йўлнинг нотўғри эканини тан олган.