Сузиш федерацияси мансабдорлари 2 млрд сўмдан зиёд маблағни "еб юборди"

Унга кўра, Ўзбекистон сузиш федерацияси мансабдор шахслари томонидан сузиш спорти учун ажратилган маблағлар ҳисобидан терма жамоа аъзоси бўлмаган, аслида федерация бош котиби А.Г.нинг оила аъзолари — Н.Г., М.Г. ва бошқа жами 15 нафар фуқароларни Туркия давлатига дам олишга юборилган.

Федерацияга бу иш жами 405 млн сўм маблағга тушган. Шунингдек, амалда ўтилмаган ўқув-машғулот йиғинлар учун сохта буйруқлар асосида 458 млн сўм маблағлар ўзлаштирилган. 

Бундан ташқари, федерацияга халқаро мусобақа ва ўқув-машғулотлари ўтказиш учун ҳомийлар томонидан ажратилган 1,2 млрд сўм маблағлар мақсадсиз сарфланиб, талон-торож қилинган. 

Ҳозирда аниқланган ҳолат юзасидан жиноят иши қўзғатилиб, дастлабки тергов ҳаракатлари олиб борилмоқда.