“Навбаҳор” клуби расман Темур Кападзени бош мураббий сифатида эълон қилди. Клуб хабарига кўра, Кападзе раҳбарият билан барча масалаларни муҳокама қилиб, келгуси режалар бўйича тўлиқ келишувга эришган ва шартнома имзоланган. Шу кунларда Темур Кападзе Индонезия терма жамоасига бош мураббий бўлади деган миш-мишлар ҳам тарқалганди. Бироқ у “Навбаҳор” билан келишувга эришиб, Наманган клубида иш бошлади.
