Qozogʻistonda

Qozogʻistonlik urush faxriylari boshqa davlatlarga nisbatan eng koʻp pul mukofoti oladi. Mamlakatda 148 nafar Ikkinchi jahon urushi qatnashchisi istiqomat qiladi. Ularning barchasiga 9-mayga qadar mahalliy byudjetdan bir martalik naqd pul toʻlovi berilgan. Oʻrtacha yordam miqdori 1,7 million tengeni (7-may kursi boʻyicha salkam 49 million soʻm) tashkil qiladi.

Qirgʻizistonda

Mamlakatda bugungi kunda 41 nafar urush qatnashchisi bor. Ularning har biriga 9-mayga qadar prezident jamgʻarmasidan 100 ming somdan (14 million soʻmdan ziyod) beriladi.

Tojikistonda

Dushanbeda yashovchi Ikkinchi jahon urushi qatnashchilari va nogironlarining har biriga 10 ming somoniydan (7-maydagi kurs boʻyicha taxminan 11,6 million soʻmdan) pul ajratiladi. Soʻgʻd viloyatida esa urush qatnashchilarining har biriga qariyb 7 ming somoniy (8 million soʻmdan ziyod) miqdorida pul mukofoti beriladi. Bu yil urush qahramonlariga yordam berish uchun Soʻgʻd viloyati hokimligi tomonidan jami 306 ming somoniy (355 million soʻm) ajratilgan. Tojikistonda 24 nafar Ikkinchi jahon urushi qatnashchisi qolgan.

Turkmanistonda

Respublika prezidenti Serdar Berdimuhamedov Ikkinchi jahon urushida fashizm ustidan qozonilgan gʻalaba munosabati bilan faxriylarga qimmatbaho sovgʻalar taqdim etish toʻgʻrisidagi farmonni imzolagan. Hujjatda faxriylarga 200 manat miqdorida (salkam 1,5 million soʻm) pul va sovgʻalar berilishi belgilab qoʻyilgan.

#9 may

Markaziy Osiyo davlatlari urush faxriylariga qanchadan pul mukofoti bermoqda?