Iqtisodiyot

Bayram oldidan turli aksiya va chegirmalar taklif etilmoqda. Raqobat qoʻmitasi bu kabi tashabbuslarni qoʻllab-quvvatlamoqda, ammo ayrim tadbirkorlar tomonidan yolgʻon chegirma eʼlon qilish yoki yetarli maʼlumot bermaslik holatlari qayd etilmoqda.

2026 yil 1 apreldan Oʻzbekistonda bir qator yirik toʻlovlar faqat bank kartalari yoki elektron toʻlov tizimlari orqali amalga oshiriladi. Bu Prezidentning 10 dekabrda qabul qilingan “Naqdsiz hisob-kitoblarni ommalashtirish va yashirin iqtisodiyot ulushini qisqartirishga qaratilgan qoʻshimcha chora-tadbirlar toʻgʻrisida”gi farmonida belgilangan.

Oʻzbekiston hududiga olib kirish, olib chiqish va tranzit orqali oʻtkazish taqiqlangan tovarlar boʻyicha yagona elektron ochiq reyestr joriy etiladi. Yangi tizim har bir fuqaro va tadbirkor uchun ochiq tarzda mavjud boʻladi.

2026 yildan Namangan viloyatida yangi soliq boshqaruvi modeli boʻyicha eksperiment boshlanadi. Mol-mulk va yer soligʻi boʻyicha qarzi 1 million soʻmdan yuqori boʻlgan jismoniy shaxslar aniqlanib, qarzni undirishda elektr energiyasining billing tizimi qoʻllaniladi. Soliq qoʻmitasi 2026 yil 1 oktabrga qadar eksperiment natijalari boʻyicha uni boshqa hududlarda joriy etish haqida taklif tayyorlaydi.

Oʻtgan hafta Istanbulda Eron, Xitoy, Qozogʻiston, Oʻzbekiston, Turkmaniston va Turkiya Yevroosiyo koridorining janubiy yoʻnalishi boʻyicha yuk tashishni kuchaytirishga qaratilgan yangi temiryoʻl-tranzit bitimini imzoladi.

Oʻzbekiston prezidentining «Oʻzbekiston Respublikasi Turizm qoʻmitasi faoliyatini tashkil etish va turizm sohasini jadal rivojlantirish chora-tadbirlari toʻgʻrisida»gi qaroriga muvofiq, turizm yoʻnalishida bir qator soliq va bojxona imtiyozlari belgilandi.

Oʻzbekistonda islomiy moliyalashtirishga boʻlgan qiziqish ortib borar ekan, bu yoʻnalishda amaliy qadamlar ham kengaymoqda. Ipak Yuli Bank EEFU bilan 20 million dollarlik yangi hamkorlik bitimini imzolaganini maʼlum qildi. Mablagʻlar shariat talablariga muvofiq Murabaxa vositasi orqali ajratiladi.

Qoraqalpogʻistonning Moʻynoq tumanida oʻta yuqori bosimli yangi gaz koni topildi. Bu haqda «Oʻzbekneftgaz» AJ boshqaruvi raisi Bahodir Sidiqov maʼlum qildi.

AQSh prezidenti ijtimoiy tarmoqlardagi chiqishida Oʻzbekiston kelgusi oʻn yil ichida AQSh iqtisodiyotiga 100 milliard dollardan ortiq investitsiya kiritishini maʼlum qildi. Maʼlumot uchun, joriy yil boshida “Uzbekistan Airways” kompaniyasi 8 milliard dollarlik Boeing 787 Dreamliner samolyotlarini xarid qilish boʻyicha shartnoma imzolagan.

Gruziyaning Batumi shahrida yangi uy-joy loyihalaridagi kvartiralar savdosining 77 foizi xorijlik xaridorlarga, qolgan 23 foizi esa mahalliy fuqarolarga toʻgʻri kelmoqda. Xaridorlar tarkibida Markaziy Osiyo mamlakatlari 6 foizni tashkil etmoqda.

Cobalt’ning yangi versiyalari uchun kontraktatsiya 3 noyabr soat 10:00 dan boshlab ochiladi. Savdolar faqat UzAvtoSavdo sayti va ilovasi orqali boʻladi. Oʻsha kuni barcha Chevrolet dilerlik markazlari yopiladi va UzAuto Motors savdo tizimidan uziladi.

Hukumatning 2025 yil 24 oktabrdagi 673-son qarori bilan “Aholi uy-joylarini energiya auditidan oʻtkazish, energiya samarador qurilmalarni xarid qilish va oʻrnatishda subsidiya ajratish toʻgʻrisida”gi nizom tasdiqlandi.