Qayd etilishicha, Germaniya Tashqi ishlar vaziri Annalena Barbok mazkur voqeani keskin qoralab, Eronning ushbu xatti-harakati kelgusida mamlakat uchun salbiy oqibatlarga olib kelishi mumkinligini aytgan.

"Biz doimo yaqin aloqada boʻlib kelgan Jamshid Sharmadning oʻlimi yuzasidan uning oilasiga chuqur hamdardlik bildiraman”, deydi Germaniya TIV rahbari.

Marhumning oila aʼzolari Sharmahd 2020 yildan buyon Eron qamoqxonasida ekanligini, shuningdek, mamlakat uni "terrorchi" deb tan olganini bildirgan.

"Sharmahd bir necha yil AQShda yashagan. Biroq u 2020 yilda Dubayga borganida Eron razvedka xodimlari tomonidan oʻgʻirlab ketilgan. Sharmahd Eronda "terrorchi" deb tan olingan. Bundan tashqari, uni "Tondar" muxolifat guruhining rahbari deb ham bilishadi", degan Jamshid Sharmahdning yaqinlari.

Jumladan, Yevropa Ittifoqi ham 2020 yildan beri Germaniya fuqaroligiga ega boʻlgan Sharmahd hibsda paytida oʻzi tanlagan advokatdan foydalana olmaganligini taʼkidlagan.

"Eron rasmiylari Sharmahdni Germaniya fuqarosi boʻlishiga qaramay, unga konsullik qilishiga ruxsat bermagan. 2023 yilda Eron Oliy sudi uni "terrorchi" deb ayblab, uni oʻlimga hukm qilgan. Hukm Germaniya va Yevropa Ittifoqi rasmiylari tomonidan keskin qoralanadi", deyiladi xabarda.

#Jamshid Sharmahd

Eronda Germaniya fuqarosi qatl qilindi