Kolumbiya bosh prokuraturasi maʼlumotiga koʻra, hodisa joyida 15 yoshli gumonlanuvchi qoʻlga olingan.

Uribe darhol "Santa Fe Foundation" kasalxonasiga vertolyotda yetkazilgan. Uning tarafdorlari shifoxona atrofida tun boʻyi hushyorlikda ibodatda boʻlishdi.

Uribeninng rafiqasi, Mariya Klaudiya Tarazona, uning omon qolishi uchun xalqni ibodat qilishga chaqirdi:

Uribe aʼzo boʻlgan konservativ "Demokratik markaz" partiyasi bu hujumni keskin qoralab, uni "Kolumbiya demokratiyasi va erkinligiga tahdid" deb atadi.

Bogota meri Karlos Fernando Galan kechasi shifoxonada senator zudlik bilan operatsiya qilinganini va ahvoli ogʻir ekanini maʼlum qildi.

Shifoxona yakshanba kuni ertalab Uribe bosh miyasida va chap sonida tibbiy muolajalar oʻtkazilgani, u intensiv terapiya boʻlimida hushsiz yotganini bildirdi. Uning ahvoli juda ogʻir deb baholanmoqda.

Mahalliy OAVlarga koʻra, voqeadan soʻng politsiya qurollangan hujumchini taʼqib qilib, uni oyogʻidan otib qoʻlga olgan. Bosh prokuratura tarqatgan bayonotda gumonlanuvchi 9 mm kalibrli "Glock" toʻpponcha bilan ushlangan. Hozirda tergov ishlari olib borilmoqda.

Foto: DW

Kolumbiya ichki ishlar vaziri Pedro Sanches bu hodisani "pastkashona hujum" deb atab, jinoyatchilar haqida maʼlumot berganlarga 3 milliard peso (730 ming AQSh dollari) miqdorida mukofot vaʼda qildi.

AQSh davlat kotibi Marko Rubio ham bu hujumni "demokratiyaga toʻgʻridan-toʻgʻri tahdid" sifatida baholadi.

Shunga qaramay, koʻplab kolumbiyaliklar soʻnggi paytlarda hukumat va muxolifat oʻrtasida kuchaygan keskin va tahdidli siyosiy ritorikani tanqid qilishmoqda.

Hodisa oldidan bir hafta Kolumbiya siyosiy hayoti taranglashgan edi. Prezident Gustavo Petro konstitutsiyaviy oʻzgarishlar uchun xalqdan bevosita qoʻllab-quvvatlov olishga urinayotgan edi. Muxolifat, xususan Uribe, bu tashabbusni noqonuniy deb atagan edi.

“Bugun bu — ogʻriqli kun. Bizda siyosiy farqlar bor, ammo ular siyosiy xolos. Eng muhimi — kolumbiyaliklar yuragidan chiqayotgan ijobiy energiyani birlashtirib, doktor Migel Uribenning hayotini saqlab qolishga harakat qilishimiz kerak”, — dedi Kolumbiya prezidenti.

Maʼlumot uchun, Uribe 2024 yil oktabr oyida 2026 yil prezidentlik saylovlari uchun oʻz nomzodini eʼlon qilgan edi. U 2022 yildan buyon senat aʼzosi boʻlib keladi.

U Kolumbiya siyosatida yirik oʻrni boʻlgan Uribe–Turbay sulolasidan chiqqan. Otasi kasaba uyushma yetakchisi va tadbirkor boʻlgan. Onasi esa taniqli jurnalist Diana Turbay boʻlib, u 1991 yilda Pablo Eskobar boshchiligidagi Medelin karteli tomonidan oʻgʻirlab ketilib, qutqaruv amaliyoti vaqtida halok boʻlgan edi.

#Kolumbiya

Kolumbiyada prezidentlikka nomzod saylovoldi tashviqotida otib ketildi