Safar 25-26 avgust kunlari Iordaniya Hoshimiylar Podshohligi Podshohi Abdulla II ibn al-Husaynning Oʻzbekistonga tashrifida belgilangan hamkorlik aloqalarini yanada rivojlantirish maqsadida tashkil qilingan.

Muloqotlarning dastlabkisi Iordaniya Hoshimiylar Podshohligi Podshohi Abdulla II ibn al-Husayn va oʻrtasida oʻtkazilgan. Unda Oʻzbekiston Respublikasi Prezidenti maslahatchisi Sardor Umrzoqov hamda Prezident maslahatchisi oʻrinbosari, Oʻzbekiston xalqaro islomshunoslik akademiyasi rektori Muzaffar Kamilov ishtirok etgan.

Foto: Din ishlari boʻyicha qoʻmita

Uchrashuvda Sardor Umrzoqov Podshoh Abdulla II ibn al-Husaynga samimiy qabul uchun minnatdorlik bildirdi. Oʻzbekiston va Iordaniya oʻrtasida hamkorlik aloqalarida yangi davr boshlanganini eʼtirof qildi.

Oʻz navbatida Podshoh Abdulla II ibn al-Husayn Iordaniya va Oʻzbekiston oʻrtasidagi mustahkam doʻstlikni yuqori baholab, hamkorlikni davom ettirish va mavjud oʻsish imkoniyatlaridan, xususan, savdo, sarmoya, sogʻliqni saqlash, taʼlim va turizm sohalarida foydalanish zarurligini taʼkidladi.

Shuningdek, delegatsiya aʼzolari kun davomida Qirol hazratlarining Din va madaniyat masalalari boʻyicha bosh maslahatchisi, shahzoda Amir Gʻoziy, Vaqf islom ishlari va muqaddas qadamjolar vaziri Muhammad al-Halayala, Iordaniya bosh muftiysi Ahmad al-Hasanot hamda Tashqi ishlar vaziri Ayman Safadiy bilan ham uchrashuvlar oʻtkazgan.

#Sardor Umrzoqov

Sardor Umrzoqov boshchiligidagi delegatsiya Iordaniyaga tashrif buyurdi