Maʼlum boʻlishicha, u Jurnalistika va ommaviy kommunikatsiyalar universiteti rektori Sherzodxon Qudratxoʻja haqida yolgʻon maʼlumot tarqatganlikda hamda natsizmda ayblash orqali, yolgʻon maʼlumot tarqatish va omma oldida haqorat qilish ayblovlari qoʻyildi.

Maʼmuriy javobgarlik toʻgʻrisidagi kodeksning 202-2-moddasi boʻyicha unga 50 baza hisoblash qiymatida jarima tayinlandi. 1 avgustdan oldin Baza hisoblash qiymati oshirilmaganligi sababli jarima summasi 18 million 759 ming soʻmni tashkil etgan.

Sherzodxon Qudratxoʻja ishni jinoyat ishi sifatida qayta koʻrib chiqishni talab qilmoqda.

Universitet rektori moddiy zarar sifatida 500 million soʻm, ommaviy uzr va u tilga olingan barcha videolarini oʻchirishni talab qilmoqda. Sud ushbu talablar fuqarolik protsessida koʻrib chiqilishi kerakligini koʻrsatgan.

Eslatib oʻtamiz, avvalroq jurnalist Anora Sodiqovaga ijtimoiy tarmoqlarda “Mufassa” taxallusidagi Toshkent viloyati hokimligi xodimi Mirsaid Haydarov oʻzining Facebook sahifasida haqorat qilgani uchun Shayxontohur tumanlararo sudi postlarni haqorat deb topgan, biroq haqorat Sodiqovaga qaratilmagan deb topgan edi. Fuqarolik ishlari boʻyicha Toshkent shahar sudi Shayxontohur tumani chiqargan sud qarorini bekor qilgan edi. Apellyatsiya sudi Sodiqovani oqlab bloger Mirsaid Haydarovga 25 million maʼnaviy zarar hamda boshqa xarajatlar uchun yana 5 million soʻm toʻlash haqida qaror chiqargan edi.

#Sherzodxon Qudratxoʻja

Sherzodxon Qudratxoʻjani natsizmda ayblagan bloger jarimaga tortildi