Oʻzbekistonda oilaviy (maishiy) zoʻravonlik holatlaridan qanchasi sudda koʻrib chiqilgani hamda taraflarga qanday jazolar berilgani boʻyicha "Sukut saqlama" ("NeMolchi.uz") loyihasi oʻzining olib borgan tadqiqotini eʼlon qildi. Mazkur oʻrganish Oʻzbekiston Oliy sudi tomonidan internetda eʼlon qilingan sud qarorlarining ochiq bazasiga tayangan holda amalga oshirilgan.
