Pokiston hukumatining bu qarorga kelishiga sabab Trampning yaqinda boʻlib oʻtgan Hindiston-Pokiston mojarosiga diplomatik aralashuvi va "asosiy rahbarlik"ni tan olish sifatida qabul qilingan.

"Oq uy rahbari katta strategik uzoqni koʻra bilish va ajoyib davlat donishmandligini namoyish etdi, bu esa Nyu-Dehli va Islomobod oʻrtasidagi keskinlikni yumshatishga olib keldi", deyiadi Pokiston hukumatining X ijtimoiy tarmogʻidagi sahifasida.

Fevral oyida Tramp Isroil Bosh vaziri Binyamin Netanyaxu bilan uchrashuvda u Tinchlik Nobel mukofotiga loyiq ekanligini aytgan edi.

"Men unga (Tinchlik Nobel mukofotiga) loyiqman, lekin ular uni menga hech qachon bermaydilar", degan edi u.

Joriy yilning yanvar oyida Belarus prezidenti Aleksandr Lukashenko, agar Tramp (Rossiya-Ukraina) mojarolarni hal qila olishini isbotlasa, uning tinchlik boʻyicha Nobel mukofotiga nomzodligini qoʻllab-quvvatlashga tayyor ekanligini maʼlum qilgan edi.

Lukashenko Tramp faqat amerikaliklarnigina "baxtli qilish" haqida emas, balki boshqalar haqida ham oʻylashi kerakligini taʼkidladi. Bundan oldin AQShda Tramp tinchlik boʻyicha Nobel mukofotini qoʻlga kiritish uchun Kiyevni qoʻllab-quvvatlashdan voz kechishi mumkinligi haqida xabar berilgandi.

#Tinchlik

Pokiston Trampni Tinchlik boʻyicha Nobel mukofotiga nomzod etib koʻrsatdi