Butun Belgorod oblasti boʻylab raketa zarbasi xavfi haqida ogohlantirish berilgan, hududda havo hujumidan mudofaa tizimlari ishlamoqda. Kursk oblastida portlashlar roʻy bergan. Bryansk oblasti ham zarba ostida qolgan.

Harbiy muxbir Rudenko Belgorod oblasti chegarasida jang ketayotganini, kuchli portlashlar roʻy bergani hamda osmonga quyuq tutun koʻtarilganligini xabar qilgan.

Ijtimoiy tarmoqlarda Belgorod oblastidagi Gorkovskiy posyolkasi chekkasida Ukraina qurolli kuchlari tanki harakatlanayotgani videosi paydo boʻldi.

TASS axborot agentligining Mudofaa vazirligiga tayanib xabar berishicha, Rossiya havo hujumidan mudofaa kuchlari Belgorod viloyati osmonida Tochka-U raketasi va 8 ta Vampire MLRS snaryadlarini urib tushirgan. Bundan tashqari Borisov tumani uzra toʻrtta samolyot tipidagi PUAni urib tushirgani xabar qilindi.

Voqeadan biroz o'tib Rossiyalik muxolifatchi Ilya Ponamaryov «Rossiyaga ozodlik» legioni, «Rossiya ko‘ngillilar korpusi» va Sibir batalyoni qo‘shma amaliyot doirasida RFning Kursk va Belgorod oblastlariga kirgani haqida xabar berildi.

Belgorod oblastidagi Lozovaya Rudka qishlog‘i ozodlik kuchlari nazoratiga o‘tgani ma’lum qilingan. Ayni vaqtda Kursk oblastining Tyotkino qishlog‘i uchun janglar ketmoqda. Ukraina homiyligidagi rus muxolifati Rossiyada bo'lib o'tadigan navbatdagi saylovni inkor etishga chaqirmoqda.

#belgorod

Ukraina homiyligidagi Putin muxolifati Rossiyaga hujum boshladi