Oʻzbekistonda turizmning turli yoʻnalishlari, jumladan, gastroturizm kabi istiqbolli soha jadal surʼatda rivojlanmoqda. Yurtimizga tashrif buyuruvchi sayyohlar uchun «Eaten.uz» onlayn platformasi ishga tushirildi. Platforma hozirda Samarqand shahri va Urgut tumanini qamrab olgan boʻlib, gastronomik sayohatni rejalashtirish imkoniyatini taqdim etadi.

Bu yerda sayyohlar mahalliy aholi tomonidan tayyorlangan milliy taomlarni tatib koʻrish, ularni tayyorlash jarayonida qatnashish va hatto anʼanaviy marosimlar - oilaviy bayramlardan to toʻylargacha mehmon sifatida ishtirok etish mumkin boʻlgan maskanni taklab olishlari mumkin.

Odatiy kafe yoki restoranlarda ovqatlanishdan farqli oʻlaroq, bu yerda sayyoh mahalliy turmush tarziga toʻliq shoʻngʻish imkoniyati bor: mezbon oila bilan suhbatlashish, qurt yoki palov kabi taomlarni tayyorlashni oʻrganish – oshxonaning hududiy xususiyatlarini kashf etadi.

Platforma joylashuv va afzalliklar boʻyicha qulay qidiruv, buyurtma berish va toʻlov - barchasini bir joyda taqdim etadi. Bu turistlarga nafaqat mazali ovqatlanish, balki noyob madaniy tajribaga ega boʻlish imkonini beradi.

Platforma asoschisi Xadicha Suyarovaning taʼkidlashicha, «Eaten.uz» sayyohlar uchun mamlakat haqidagi tasavvurni kengaytirish bilan birga, oddiy oilalarni turizm iqtisodiyotiga jalb qilish orqali ularga qoʻshimcha daromad manbalari yaratadi.

#gastroturizm

Oʻzbekiston boʻylab gastronomik sayohatlarni rejalashtirish uchun raqamli yechim taklif etildi