Sudda aniqlanishicha, tomonlar 2003–2009 yillarda Oʻzbekiston davlat konservatoriyasida oʻqib yurgan davrda tanishgan. Otajonov ayblanuvchini toʻtingan uka sifatida qabul qilgani, biroq u ishonchni suisteʼmol qilib, jami 195 ming dollarlik zarar yetkazganini maʼlum qildi.

Tekshiruvda quyidagi holatlar aniqlandi:

Lexus avtomobil boʻyicha: 68 ming dollarlik mashina uchun 34 ming dollar toʻlab, qolganini bermagan va transportni boshqa shaxs nomiga rasmiylashtirgan (2017 yil).
Gonorarlar boʻyicha: Toshkent va Qashqadaryodagi toʻylarda xonandaga berilgan 1 000 va 5 000 dollar gonorarlarni oʻzlashtirgan (2019 yil).
BMW boʻyicha: 83 ming dollar deb olgan, 15 ming dollar toʻlab, qolganini toʻlamagan hamda avtomobilni boshqaga rasmiylashtirgan (2021 yil).
Toshkentdagi uylar boʻyicha: Yunusobod va Yakkasaroydagi bir nechta koʻchmas mulk operatsiyalari orqali 87 ming dollarga yaqin zarar yetkazgan (2021–2022 yillar).

Sudda X.H. aybini toʻliq tan oldi va mablagʻlarni sanʼat faoliyati uchun sarflaganini bildirdi.

Hukmga koʻra:

X.H. 8 yilga ozodlikdan mahrum etildi;
Jahongir Otajonov foydasiga 2 mlrd 337 mln soʻm undiriladi;
Ayblanuvchi nomidagi Toshkentdagi 2 ta xonodon jinoyat yoʻli bilan orttirilgan mulk sifatida musodara qilinib, sotuvdan tushgan mablagʻ zararni qoplashga yoʻnaltiriladi.

#jahongir otajonov

Jahongir Otajonovni aldagan doʻsti 8 yilga ozodlikdan mahrum etildi