Bu haqda Oliy sud matbuot xizmati maʼlum qildi.

Maʼlum qilinishicha, 1977 yilda Namangan viloyatida tugʻilgan Odilxon Ismoilov hamda yana 6 nafar shaxsga nisbatan Jinoyat kodeksining bir qator moddalari boʻyicha ayblov eʼlon qilingan. Jumladan:

167-modda — Oʻzlashtirish yoki rastrata yoʻli bilan talon-toroj qilish;
179-modda — Soxta tadbirkorlik;
184-modda — Soliqlar yoki yigʻimlarni toʻlashdan boʻyin tovlash;
189-modda — Savdo yoki xizmat koʻrsatish qoidalarini buzish;
28, 209-moddalar — Mansab soxtakorligida ishtirok etish;
209-modda — Mansab soxtakorligi;
227-modda — Hujjatlar, shtamplar, muhrlar, blankalar hamda avtotransport vositalari davlat raqam belgilarini egallash, yoʻq qilish, ularga shikast yetkazish yoki yashirish;
228-modda — Hujjatlar, shtamplar, muhrlar, blankalarni tayyorlash, qalbakilashtirish, sotish yoki ulardan foydalanish.

Mazkur jinoyat ishi ayni paytda jinoyat ishlari boʻyicha Pop tuman sudida ochiq sud majlisida koʻrib chiqilmoqda.

Sud jarayoni doirasida Odilxon Ismoilov va yana 4 nafar shaxsga nisbatan «qamoqqa olish», 1 nafar shaxsga nisbatan esa «garov» tarzidagi ehtiyot chorasi qoʻllanilgan.

Sud yakuni boʻyicha qoʻshimcha maʼlumot beriladi.

#odil qori

«Rayxon oilaviy milliy taomlari» taʼsischisi Odilxon qori qamoqqa olindi