Xabarga koʻra, qabul jarayonlari Prezidentning PF-81-son Farmoniga muvofiq "avval test – soʻng tanlov" tartibida oʻtkaziladi.

Abituriyentlar natijalariga koʻra dastlab oliy taʼlim (bakalavriat) yoʻnalishlariga, soʻng professional taʼlim muassasalariga tanlov asosida qabul qilinadi.

Bakalavriatga qabul ikki bosqichda amalga oshiriladi:

Birinchi bosqich 5 iyun – 25 iyun kunlari boʻlib, abituriyentlar test sinovlarida ishtirok etish uchun roʻyxatdan oʻtadi. Bu bosqichda test topshiriladigan fanlar majmuasi, taʼlim tili, test topshirish hududini, shuningdek, agar kirish imtihonlariga kasbiy (ijodiy) imtihon kiritilgan boʻlsa, ushbu imtihonni topshiriladigan OTMni ham belgilash kerak.

Ikkinchi bosiqch 15 kun ichida ikkinchi bosqich boshlanadi. Bunda abituriyentlar oliy taʼlim muassasasini, taʼlim yoʻnalishini va taʼlim shaklini tanlashlari kerak. Agar bu bosqichda tanlov amalga oshirilmasa, abituriyent yakuniy tanlovda ishtirok eta olmaydi.

Maʼlumot uchun, Shuningdek, kirish imtihonlari iyul–avgust oylarida boʻlib oʻtadi.

OTMlarga qabul natijalari eʼlon qilingach, abituriyentlar 10 kun ichida professional taʼlim muassasasini, kasb va mutaxassislikni hamda taʼlim shaklini tanlashlari mumkin.

#qabul 2025–2026

OTM oʻqishga kirish uchun qabul boshlandi