Rossiyalik olimlarning ekspeditsiyasi davomida olingan birinchi suv namunalarining laboratoriya tahlillari Yaponiyaning “Fukusima-1” yadroviy stansiyasidan radioaktiv ifloslangan suv oqizilganidan keyin Uzoq Sharq dengizlarida tritiy miqdori ortgani aniqlandi. Bu haqda dushanba kuni Rossiya Fanlar akademiyasining Uzoq Sharq boʻlimi Tinch okeani instituti maʼlum qildi.

Kuroshio oqimining asosiy tarmogʻida va Janubiy Kuril orollari hududidan olingan namunalarda tritiy miqdori koʻpaygan. Namunalar iyun-iyul oylarida Yapon dengizi va Oxotskda, shuningdek, Tinch okeanining shimoli-gʻarbiy qismida ekspeditsiya paytida olingan.

Yaponiya 28 iyundan 16 iyulgacha shikastlangan Fukusima-1 atom elektr stansiyasidan radioaktiv ifloslangan suvni Tinch okeaniga chiqarishning yettinchi bosqichini amalga oshirgan edi. Tinch okeani okeanologiya instituti olimlarining taʼkidlashicha, okeanga quyilgan suv oqimlar orqali tarqaladi, ulardan asosiysi Yaponiya qirgʻoqlaridan sharq tomonga yoʻnaladigan kuchli Kuroshio oqimiga qoʻshiladi.

24 avgust kuni rossiyalik olimlar Fukusima-1 atom elektr stansiyasidan ifloslangan suv oqizilishi oqibatlarini oʻrganishni davom ettirish uchun 29 kun davom etgan yangi ekspeditsiyaga yoʻl oldi. Ular Kuril orollari suvlarini va Rossiyadagi eng muhim baliq ovlash zonasi boʻlgan Oxot dengizining janubiy qismini oʻrganmoqda.

#radioaktiv

Yaponiya Tinch okeanini radioaktiv elementlar bilan zararlantirgan