Ichki ishlar vazirligi maʼlum qilishicha, yoʻl harakati qoidalarini buzganlik uchun rasmiylashtiriladigan maʼmuriy bayonnomalar (jarima xatlari)ni anʼanaviy tarzda yetkazib berish xizmati bekor qilinadi.

Qaror nusxasi va unga ilova qilingan materiallar quyidagi elektron platformalar orqali yuboriladi:

my.gov.uz portali (myGov mobil ilovasi)
SafeRoad mobil ilovasi
Road24 mobil ilovasi
Yagona interaktiv davlat xizmatlari mobil ilovasi
Hamroh mobil ilovasi

Qaror rasmiylashtirilgani zahoti 6079 raqamidan SMS-xabarnoma yuboriladi.

Agar SMS-xabarnoma kelmasa, fuqarolar my.gov.uz portali orqali oʻz telefon raqamini roʻyxatdan oʻtkazishi lozim. Shundan soʻng barcha xabarnomalar avtomatik ravishda yetkaziladi.

Maʼlum qilinishicha, mazkur raqamli xizmatlardan foydalanish muddati cheklanmagan. Qoʻshimcha roʻyxatdan oʻtish yoki hujjat taqdim etish talab etilmaydi.

Qaror rasmiylashtirilgan paytning oʻzida barcha materiallar bilan tanishish hamda qonunchilikda belgilangan muddatlarda jarimani toʻlash imkoniyati mavjud.

#yoʻl harakati qoidalari

YHQ qoidalarini buzganlik boʻyicha jarima xatlarini yetkazib berish xizmati toʻxtatiladi