17 июль куни баъзи ҳудудларда 44 даражалик жазирама кутилмоқда

Ўзбекистон Республикаси Гидрометеорология хизмати 17 июль куни учун мўлжалланган об-ҳаво маълумотини эълон қилди.

Ўзбекистон

17.07.2025, 10:36

Улашиш:

17 iyul kuni baʼzi hududlarda 44 hududlarda jazirama kutilmoqda

Қорақалпоғистон Республикаси ва Хоразм вилоятида ҳаво бироз булутли бўлади, айрим жойларда ўзгариб туради, ёғингарчилик бўлмайди. Шарқдан секундига 9-14 метр тезликда шамол эсади. Айрим туманларда чанг-тўзонлар кузатилиши мумкин. Кечаси 24-29 даража илиқ, кундузи 38-43 даража иссиқ бўлади.

Бухоро ва Навоий вилоятларида ҳаво бироз булутли бўлади, ёғингарчилик бўлмайди. Шарқдан секундига 7-12 метр тезликда шамол эсади. Айрим жойларда шамолнинг тезлиги чанг-тўзонлари билан бирга секундига 13-18 метргача кучайиши мумкин. Кечаси 23-28, чўл ҳудудларида 30 даражагача илиқ, кундузи 38-43 даража иссиқ бўлади.

Тошкент, Самарқанд, Жиззах ва Сирдарё вилоятларида ҳаво бироз булутли бўлади, ёғингарчилик бўлмайди. Шарқдан секундига 7-12 метр тезликда шамол эсади. Баъзи жойларда шамолнинг тезлиги чанг-тўзонлари билан бирга секундига 13-18 метргача кучайиши мумкин. Кечаси 21-26 даража илиқ, кундузи 36-41 даража иссиқ бўлади.

Қашқадарё ва Сурхондарё вилоятларида ҳаво бироз булутли бўлади, ёғингарчилик бўлмайди. Шарқдан секундига 7-12 метр тезликда шамол эсади. Баъзи жойларда шамолнинг тезлиги чанг-тўзонлари билан бирга секундига 13-18 метргача кучайиши мумкин. Кечаси 23-28 даража илиқ, кундузи 39-44 даража иссиқ бўлади.

Андижон, Наманган ва Фарғона вилоятларида ҳаво бироз булутли бўлади, баъзи жойларда ўзгариб туради, ёғингарчилик бўлмайди. Шарқдан секундига 5-10 мбетр тезликда шамол эсади. Кечаси 20-25 даража илиқ, кундузи 35-40 даража иссиқ бўлади.

Республикамизнинг тоғли ҳудудларида ҳаво бироз булутли бўлади, айрим жойларда ўзгариб туради, ёғингарчилик кутилмайди. Шарқдан секундига 7-12 метр тезликда шамол эсади. Баъзи жойларда шамолнинг тезлиги секундига 13-18 метргача кучайиши мумкин. Кечаси 19-24 даража илиқ, кундузи 30-35 даража иссиқ бўлади.

Бунга қадар жорий йилнинг 17-19 июль кунлари Ўзбекистон ҳудудига жанубдан жуда иссиқ ҳаво оқимлари кириб келиши маълум қилинган эди. 17 июлда республика шимоли, жануби ва чўл ҳудудларида, 18-20 июль кунлари ҳудуднинг катта қисмида ҳаво ҳарорати 40-43 даражагача, жанубда ва чўл ҳудудларининг баъзи жойларида 40-45 даражагача кўтарилади. Республика бўйлаб шамолнинг тезлиги секундига 13-18 метргача кучайиши, айрим жойларда чанг-тўзонлар кузатилиши мумкин.

Ўзбекистон

17.07.2025, 10:36

Улашиш:

#об-ҳаво #Ўзбекистон #жазирама

мавзуга оид янгиликлар