Америка бошқа мамлакатларга ёрдам беришни тўхтатди

Қайд этилишича, АҚШнинг янги маъмурияти ушбу 90 кун ичида бошқа давлатларга берилаётган ёрдамларнинг Америка сиёсатига қай даражада мос келишини ўрганиб чиқади. 

"Америка Қўшма Штатлар Президенти мамлакат ташқи сиёсатига тўлиқ мос келмайдиган давлатларга ҳеч қандай ёрдам кўрсатмайди", дея бу ҳолатни изоҳлаган Дональд Трамп.

Маълумотларга кўра, АҚШнинг бошқа мамлакатларга кўрсатадиган молиявий ва бошқа ёрдамларининг умумий ҳажми Америка бюджетининг 1 фоизидан ошмайди. 

Давлат департаментига кўра, 2014 йилдан бери биргина Киевни қўллаб-қувватлаш учун 70 миллиард АҚШ доллари (67 миллиард евро) ажратилган, шундан 66 миллиард АҚШ доллари Россия-Украина уруши бошланганидан кейинги даврга тўғри келади. 

АҚШнинг бошқа йирик ёрдам олувчилари орасида Исроил (йилига 3,3 миллиард АҚШ доллари), Миср (йилига 1,5 миллиард АҚШ доллари) ва Иордания (йилига 1,7 миллиард АҚШ доллари) бор.

"Биз сарфлаган ҳар бир доллар, молиялаштирган ҳар бир дастур учта саволга жавоб бериши керак: бу Американи хавфсизроқ қиладими, бу Американи кучлироқ қиладими, бу Американи янада обод қиладими?", дея юқоридаги рақамлари келтирган янги давлат котиби Марко Рубио.