Amerika boshqa mamlakatlarga yordam berishni toʻxtatdi

Qayd etilishicha, AQShning yangi maʼmuriyati ushbu 90 kun ichida boshqa davlatlarga berilayotgan yordamlarning Amerika siyosatiga qay darajada mos kelishini oʻrganib chiqadi. 

"Amerika Qoʻshma Shtatlar Prezidenti mamlakat tashqi siyosatiga toʻliq mos kelmaydigan davlatlarga hech qanday yordam koʻrsatmaydi", deya bu holatni izohlagan Donald Tramp.

Maʼlumotlarga koʻra, AQShning boshqa mamlakatlarga koʻrsatadigan moliyaviy va boshqa yordamlarining umumiy hajmi Amerika byudjetining 1 foizidan oshmaydi. 

Davlat departamentiga koʻra, 2014 yildan beri birgina Kiyevni qoʻllab-quvvatlash uchun 70 milliard AQSh dollari (67 milliard yevro) ajratilgan, shundan 66 milliard AQSh dollari Rossiya-Ukraina urushi boshlanganidan keyingi davrga toʻgʻri keladi. 

AQShning boshqa yirik yordam oluvchilari orasida Isroil (yiliga 3,3 milliard AQSh dollari), Misr (yiliga 1,5 milliard AQSh dollari) va Iordaniya (yiliga 1,7 milliard AQSh dollari) bor.

"Biz sarflagan har bir dollar, moliyalashtirgan har bir dastur uchta savolga javob berishi kerak: bu Amerikani xavfsizroq qiladimi, bu Amerikani kuchliroq qiladimi, bu Amerikani yanada obod qiladimi?", deya yuqoridagi raqamlari keltirgan yangi davlat kotibi Marko Rubio.