БМТ раҳбари Исроилнинг Дамашқдаги Эрон консуллигига ҳужумини қоралади

“Бош котиб яна бир бор тасдиқлайдики, дипломатик ва консуллик бинолари ва ходимларининг дахлсизлиги тамойили барча ҳолларда халқаро ҳуқуққа мувофиқ ҳурмат қилиниши керак”, — деди матбуот котиби Стефан Дюжаррик.

Шунингдек, A.Guterrish барча томонларга халқаро ҳуқуқ, жумладан, халқаро гуманитар ҳуқуқ доирасидаги барча мажбуриятларига риоя қилиш зарурлигини эслатди. У барча манфаатдор шахсларни тинч аҳоли ва фуқаролик инфратузилмасига зарар етказиши мумкин бўлган ҳужумлардан қочишга чақиради, деди матбуот котиби.

“Бош котиб барча манфаатдор томонларни максимал даражада вазминликни сақлашга ва бундан кейин ҳам кескинлашувга йўл қўймасликка чақиради”, деди Дюжаррик. “У ҳар қандай нотўғри ҳисоб-китоблар беқарор минтақада янада кенгроқ можарога олиб келиши ва Сурия, Ливан, босиб олинган Фаластин ҳудуди ва Яқин Шарқда мисли кўрилмаган азоб-уқубатларни бошдан кечираётган тинч аҳоли учун ҳалокатли оқибатларга олиб келиши мумкинлигидан огоҳлантиради”.

Душанба куни Исроил Дамашқдаги Эрон консуллигига ракета ҳужуми уюштирди ва камида етти ходимни ўлдирди.