Болани тез-тез шамоллашдан қандай ҳимоялаш мумкин?

Охирги пайтларда юртимизда ноодатий, даволаш қийин бўлган шамоллаш тури пайдо бўлди. Мактаб ва мактабгача таълим ташкилотларида болалар бир-бирига юқтириб олаётган бу грипга ҳар доимги дори-дармонлар деярли таъсир қилаётгани йўқ. Бундай шароитда болаларнинг иммунитетини мустаҳкамлаш, улар саломатлигига тўғри ёндашиш жуда муҳим. Қуйидаги тавсияларимиз бу борада жуда катта фойда келтириши аниқ.

Ўзбекистон

20.11.2025, 11:24

Lotinchada

Улашиш:

Зеро, иммунитет — бу инсон организмининг бактериялар, паразитлар, вируслар, замбуруғлар ва бошқа бегона моддалардан ҳимояланиш барьери.

Шифокорлар бу оғир даврда организмни мустаҳкамлаш бўйича маслаҳатлар беришмоқда.

Овқатланиш.

Боланинг овқатланиш рациони турфа ва мувозанатли бўлиши керак.
Фаол ўсиш даврида тўлақонли ривожланиш учун витамин ва минералларни етарли миқдорда олиш жуда муҳим ва бунга энг яхшиси овқат орқали эришилади.

Уйқу ва уйғониш режими.

Ҳар қандай ёшда режимига риоя қилиш асаб тизими ва организм чалғишининг олдини олади.

Оиладаги муҳит.

Кўзга кўринмас, аммо болаларнинг руҳий-эмоционал ҳолатига катта таъсир қиладиган омил — уйдаги атмосфера. Мактаб ва боғча — бу узлуксиз стресс ҳолати, шунинг учун бола учун уйда ўзини хавфсиз ва хотиржам ҳис этиши ниҳоятда муҳим.

Тоза ҳаво ва жисмоний соғлиқ.

Фаол спорт машғулотлари жисмоний ҳам, ақлий ривожланиш учун фойдали. Қолаверса, тоза ҳавода мунтазам сайрлар ҳам жуда муҳим.

Витамин-минерал комплекслари.

Экологик ҳолатнинг ёмонлашуви ва кўп маҳсулотларнинг озуқа қиймати пасайгани туфайли оилавий шифокор парҳезни витамин ва минераллар билан қўшимча бойитишни мақсадга мувофиқ деб топиши мумкин.

Ўзбекистон

20.11.2025, 11:24

Улашиш:

#грипдан қандай ҳимояланса бўла #грипп #шамоллашга даво

машҳур янгиликлар