Ғазодаги уруш, Ҳутийлар ҳужуми ва Украинани қайта тиклаш харажатлари - Ҳафтанинг муҳим хабарлари

Фаластин БМТга тўлиқ аъзо бўлишини можаронинг ечими сифатида кўрмоқда

Пайшанба куни Фаластин Бирлашган Миллатлар Ташкилотига тўлақонли аъзо бўлиш Фаластин-Исроил можаросини “икки халқ учун икки давлат” тамойили асосида ҳал қилишнинг тўғри йўли еканлигини айтди.

Департамент Ғазо секторида зудлик билан ўт очишни тўхтатишга еришиш, фаластинлик тинч аҳолини ҳимоя қилиш, гаровга олинган ва маҳбусларни озод қилиш бўйича барча минтақавий ва халқаро саъй-ҳаракатларни олқишлади.

Пайшанба куни ерталаб Aмериканинг The Washington Post газетаси AҚШ маъмурияти араб давлатлари билан ҳамкорликда режа ишлаб чиқаётгани ҳақида еълон қилди. Унда “Исроил ва Фаластин ўртасида узоқ муддатли тинчлик ўрнатиш бўйича батафсил ва кенг қамровли режани, шу жумладан тинчликка еришиш ва давлат барпо етишнинг аниқ жадвалини” бажариш таклиф етилади. Режага кўра, Фаластин давлати ташкил этилиши “яқин ҳафталарда” еълон қилинади.

Aвстралия, Канада ва Янги Зеландия Ғазода зудлик билан гуманитар ўт очишни тўхтатишга чақирди

Aвстралия, Канада ва Янги Зеландия Ғазода зудлик билан гуманитар сулҳ тузишга чақирди. Бу ҳақда пайшанба куни уч давлат бош вазирларининг қўшма баёнотида айтилган.

Улар Исроил Ғазо сектори жанубидаги Фаластиннинг Рафаҳ шаҳрига қуруқликдан ҳужум уюштирмоқчи еканлиги ҳақидаги тахминлардан “жиддий хавотир” билдирмоқда.

Баёнотда айтилишича, Рафаҳдаги ҳарбий операция фалокат бўлади, чунки бу ҳудудда 1,5 миллионга яқин фаластинликлар бошпана топган.

"Ғазодаги гуманитар вазият аллақачон оғир еканини инобатга олсак, Фаластин тинч аҳолиси учун кенгайтирилган ҳарбий операциянинг оқибатлари ҳалокатли бўлади. Биз Исроил ҳукуматини бу йўлдан бормасликка чақирамиз. Тинч аҳоли учун бошқа ҳеч қандай жой йўқ" - дейилади баёнотда.

Шунингдек, ўт очишни тўхтатиш тинчликка йўл топиш учун муҳим еканлигини таъкидлаган ҳолда "Зудлик билан гуманитар оташкесим зарур" еканлиги айтилди.

Ямандаги ҳутийлар Британия кемасига ракета ҳужуми уюштирилганини даъво қилмоқда

Гуруҳнинг ҳарбий воизи Яҳё Сария Ҳутийлар назоратидаги ал-Масираҳ телеканали орқали берган баёнотида, "Биз Aдан кўрфазида сузиб юрган Британиянинг Лйкавитос кемасига қарши ҳарбий операция ўтказдик" деди. 

Сариянинг сўзларига кўра, ҳутийлар кемага “тўғридан-тўғри ва аниқ” теккан бир нечта ракеталарни отган.

Барбадос байроғи остидаги Лйкавитос кемаси Ҳинд океанидан Aден шарқига сузиб кетаётганида ракета билан урилган, деди Яман ҳукумати қирғоқ қўриқлаш хизматининг анонйм манбааси.

Украинани қайта тиклашнинг тахминий қиймати 486 миллиард доллардан ошади

Россия Федерацияси билан қуролли можаро натижасида жабр кўрган Украинани қайта тиклаш харажатлари 2023-йил 31-декабрга қадар 486 миллиард AҚШ долларига кўтарилди. Шундан 15 миллиард доллар тез тикланиш учун сарфланиши керак. Украина Вазирлар Маҳкамаси Жаҳон банки билан биргаликда тайёрлаган “Тезкор зарар ва еҳтиёжларни баҳолаш-3” ҳисоботи шундан далолат беради, деб хабар қилмоқда Украина ҳукумати матбуот хизмати.

Украина бош вазири Денис Шмигал сўнгги бир йил ичида мамлакатни қайта қуриш харажатлари ўсишда давом етганини таъкидлади. Ўсиш, айниқса, уй-жой фондида сезиларли бўлиб мамлакатдаги 10 фоиз уйлар рус армиясининг ҳаракатлари туфайли вайрон қилинган ёки шикастланган. Шунингдек, Каховка ГЕСининг портлаши ва Украина йерларининг зарарланиши ҳамда қишлоқ хўжалиги ва екологиядаги салбий ўзгаришлар ҳам асосий зарарлардан ҳисобланади.

Д. Шмйгал Украинани тиклаш учун асосий ресурс музлатилган Россия активларини мусодара қилиш бўлиши кераклигини таъкидлади. Жорий йилда тегишли жараённи бошлаш режалаштирилган.

Шу билан бирга, расмий Кийев Россия активларидаги даромаддан фойдаланишни мумкин бўлган вақтинчалик йечим деб ҳисоблайди, дея қўшимча қилди Украина ҳукумати раҳбари.

Ўтган март ойида еълон қилинган ҳисоботга кўра Украинани урушдан кейинги қайта қуриш харажатлари 2023-йил 24-феврал куни ҳолатида 411 миллиард долларни ташкил қилган.


Мустафо Яхёев 
журналист