Иккинчи жаҳон уруши қатнашчиларига 10 минг доллардан берилади

Унга кўра, Иккинчи жаҳон уруши қатнашчиларига тенглаштирилган шахсларнинг ҳар бирига 25 000 000 (йигирма беш миллион) сўм миқдорида, 1941–1945 йиллардаги уруш давридаги меҳнат фронти қатнашчиларининг ҳар бирига эса 3 000 000 (уч миллион) сўм миқдорида давлат бюджетидан бир марталик пул маблағи ажратилади. 

"Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Мудофаа вазирлиги, Давлат хавфсизлик хизмати, Ички ишлар вазирлиги, Миллий гвардия, Иқтисодиёт ва молия вазирлиги, Маданият вазирлиги, Ижтимоий ҳимоя миллий агентлиги, Ўзбекистон маҳаллалари уюшмаси, Республика Маънавият ва маърифат маркази, Ўзбекистон фахрийларининг ижтимоий фаолиятини қўллаб-қувватлаш "Нуроний" жамғармаси билан биргаликда Иккинчи жаҳон уруши қатнашчилари ва ногиронларига ушбу пул мукофоти тантанали ҳамда байрамона вазиятда топширилишини таъминласин", дейилади имзоланган фармонда.

Шунингдек, фармонда мазкур жараённи назоратга олиш Бош вазир Абдулла Арипов зиммасига юклатилгани қайд этилган. .